Ես Անի Բայաթյանն եմ, ծնվել եմ Երևանում: Ավարտել եմ Երևանի պետական մանկավարժական համալսարանը, Բարսելոնայի «OSTELEA» տուրիզմի կառավարման դպրոցը և «EAE» բիզնես դպրոցը: Ունեմ մագիստրոսի երկու կոչում։

Արդեն 8 տարի է` բնակվում եմ Բարսելոնայում: Վերջին 5 տարիների ընթացքում զբաղվում եմ համայնքային աշխատանքով, «Հայ աղջիկները Կատալոնիայում ասոցիացիայի նախագահն եմ, «AGBU YP Barcelona»-ի փոխնախագահը:

Իմ գործունեության նպատակներն են՝ համախմբել Իսպանիայում ապրող բոլոր հայուհիներին, օգտակար լինել հայ համայնքին և ակտիվացնել տեղի մշակութային կյանքը: 

Իմ նախաձեռնությամբ Բարսելոնայում առաջին անգամ կազմակերպվել են ամանորյա թատերական ներկայացում, հայ կինոյի և դեսֆիլեի ցուցադրություն Իսպանիայի հայ դիզայներների մասնակցությամբ, ֆեյսբուքում ստեղծվել է առաջին հարթակը, որի միջոցով մեր հայրենակիցները փորձի փոխանակման և աշխատանք գտնելու հնարավորություն ունեն և այլն:

Պատվով կրում եմ Իսպանիայում Սփյուռքի երիտասարդ դեսպանի կոչումը  և պատրաստ եմ իրականացնել ծրագրի առջև դրված նպատակները։