Ես Վլադիմիր Հարությունյանն եմ, ծնվել եմ Ռուսաստանում: Նախքան ընտանիքիս հետ Լոս Անջելես տեղափոխվելը, ապրել եմ Հայաստանում և Կիպրոսում:

Ստացել եմ քաղաքացիական ճարտարագիտության բակալավրի և մագիստրոսի կոչումներ և ուսման ընթացքում ակտիվ գործունեություն եմ ծավալել հայկական ուսանողական ասոցիացիաներում:  

Ներկայումս շինարարական ինժեներ եմ և աշխատում եմ Լոս Անջելեսում: Ես նաև «VBA» ճարտարապետական և կառուցվածքային դիզայնի խորհրդատվական ընկերության նախագահն եմ: Իմ մասնագիտական փորձառությունն ինձ թույլ է տվել ակտիվ մասնակցություն ունենալ Լոս Անջելեսի տարբեր մասնագիտական հայկական կազմակերպություններում:

Լոս Անջելեսում մեր համայնքը շատ բազմազան է և այդ պայմաններում դժվար է բոլորին միասնական պահելը: Իմ նպատակն է այնպիսի նախաձեռնություններ առաջ մղել, որոնք նպաստավոր կլինեն համայնքում միասնականությունն ամրապնդելու համար: Շատ հարցեր կան, որոնք մեր միջև պառակտում են առաջացնում, և ես ուզում եմ կենտրոնանալ մեզ միավորողների վրա: Ես նաև պետք է խրախուսեմ իմ համայնքին, որ ձևավորի և պահպանի առողջ հարաբերություններ Հայաստանի և Արցախի հետ, քանի որ Սփյուռքում գտնվողներիս համար շատ կարևոր է տեղեկացված լինելը, Հայրենիքի հնարավորություններին և խնդիրներին ծանոթանալը՝ փոխգործակցության միջավայր ձևավորելու և համագործակցելու համար: