Լիանա Մինասյան
Լիանա Մինասյանը ծնվել է Ռուսաստանում՝ Վլադիկավկազում։ Նա Հայաստան է տեղափոխվել 2022 թվականին Մոսկվայից։
«Ես բազմիցս գործուղումներով եղել եմ Հայաստանում և Արցախում, բայց իմ ընտանիքից ոչ ոք այստեղ չի ապրել. մեր ամբողջ ընտանիքը սփյուռքից է՝ Մուշ, Գանձակ, Թիֆլիս»։
Լիանան ավարտել է Մոսկվայի համալսարանի լրագրության ֆակուլտետը։ Նա աշխատել է որպես լրագրող, հոդվածագիր և խմբագիր Ռուսաստանի մի շարք խոշորագույն լրատվամիջոցներում:
Հետաքրքրության ոլորտը Հարավային Կովկասն է ամբողջությամբ, Հայաստանն ու Արցախը մասնավորապես։ Լուսաբանել է տարածաշրջանում տեղի ունեցող իրադարձությունները 1988 թվականի Շարժման սկզբից ի վեր։
Աշխատանքային գործուղումներից ազատ ժամանակ Լիանան ճամփորդում է և ճամփորդական բլոգ է վարում։
«Այստեղ իմ հետաքրքրության ոլորտը նոր մեդիան է՝ որպես ԶԼՄ նոր ձևաչափ, և ընդհանուր առմամբ՝ թվային գլոբալիզացիան»։
«իԳործ» ծրագրի շրջանակներում աշխատավայր՝ ՀՀ հեռուստատեսության և ռադիոյի հանձնաժողով։