Արամ Պողոսյանը ծնվել և մեծացել է Մոսկվայում։

Նա կրթություն է ստացել Մոսկվայի լավագույն շինարարական բուհերից մեկում՝ Կույբիշևի անվան ազգային հետազոտական պետական շինարարական համալսարանում:

Արդյունաբերական և քաղաքացիական շինարարության ոլորտի մասնագետ է, ունի ավելի քան 12 տարվա աշխատանքային փորձ Մոսկվայի տարբեր խոշոր շինարարական ընկերություններում:

Մասնակցել է «Գորոդ Նաբերեժնիխ»  արդյունաբերական և քաղաքացիական բնակելի համալիրի կառուցման աշխատանքներին, աշխատել է «ՄոնԱրխ» ընկերությունների խմբի հետ պետական օբյեկտների կառուցման շրջանակներում։

Մոսկվայում հայկական «Նժդեհ» ազգային պարերի դպրոցի հիմնադիրներից է, որը գործունեությունը սկսել է 2017 թվականի ձմռանը՝ հիմնական նպատակ ունենալով տարածել  ազգային պարեր:

Դպրոցն անցկացնում է  վարպետության դասեր, մասնակցում է Մոսկվայի  ամենատարբեր փառատոներին, մրցույթներին, ինչպես նաև՝ Մոսկվայում Հայաստանի դեսպանության, Հայ Առաքելական եկեղեցու կողմից կազմակերպված միջոցառումներին, ներկայացնում է հայկական մշակույթը Մոսկվայի ներհամալսարանական փառատոներին:

«իԳործ» ծրագրի շրջանակներում աշխատավայր՝ ՀՀ տարածքային կառավարման և ենթակառուցվածքների նախարարություն: