Անի Խաչատրյանը Ռուսաստանի Դաշնության Անապա քաղաքից է: Նա ստացել է Իրավագիտության բակալավրի աստիճան Կուբանի  Ի. Տ. Տրուբիլինի անվան պետական ագրարային համալսարանում:

Անին իր մասնագիտական կարիերան  սկսել է Անապայի քաղաքային դատարանում, ապա հաջողությամբ պրակտիկա է անցել Մոսկվայի հակակոռուպցիոն կոմիտեի Անապայի բաժնում (Կազմակերպված հանցավորության և կոռուպցիայի դեմ պայքարի կոմիտե)։ Երկար ժամանակ  աշխատել է Ղրիմի, Կրասնոդարի և Անապայի շրջանների նոտարական գրասենյակներում՝ որպես իրավախորհրդատու: 2020 թվականից Միջազգային ոստիկանական ասոցիացիայի ռուսաստանյան բաժնի անդամ է:

Անին եղել է «Դեպի Հայք»-ի կամավոր, որի շրջանակներում աշխատել է ՀՀ ՆԳՆ միգրացիայի և քաղաքացիության ծառայության աշխատանքային միգրացիայի և մոնիթորինգի բաժնում, ՀՀ ոստիկանության անձնագրային և վիզաների վարչության քաղաքացիության, անձնագրային և վիզաների բաժիններում:

«իԳործ»  ծրագրի շրջանակներում աշխատավայր՝ ՀՀ ներքին գործերի նախարարություն: