Կրթություն

1968-1969թթ. - Փարիզի Սորբոնի համալսարանի կիրառական մեխանիկայի ֆակուլտետ

1964-1968թթ. - Մոսկվայի Պ. Լումումբայի անվան Ժողովուրդների բարեկամության համալսարանի մեքենաշինության ֆակուլտետ (տեխնիկական գիտությունների մագիստրոս)

1963-1964թթ. - Սպահանի համալսարանի անգլերենի և գրականության, հայերենի և գրականության ֆակուլտետներ

Աշխատանքային գործունեություն

2024 թվականի ապրիլի 22-ից մինչ այժմ - Նիդերլանդներում սփյուռքի գործերի հանձնակատար

1972–2008թթ.  - Եվրոպական արտոնագրային գերտեսչության (Հաագա) ավագ փորձագետ

1969-1972թթ. S.E.M.T. Pielstick ընկերության (Փարիզ) ինժեներ

Լեզուների իմացություն

• Հայերեն (մայրենի)
• Պարսկերեն (կարդում, գրում և խոսում է)
• Ռուսերեն (կարդում, գրում և խոսում է)
• Ֆրանսերեն (կարդում, գրում և խոսում է)
• Անգլերեն (կարդում, գրում և խոսում է)
• Հոլանդերեն (կարդում, գրում և խոսում է)
• Գերմաներեն (կարդում, գրում և խոսում է)

Լրացուցիչ տեղեկատվություն

2004 թ.-ին հիմնադրել և մինչև այժմ ղեկավարում է Հոլանդահայ կազմակերպությունների ֆեդերացիան (Federation of Armenian Organisations in Netherlands – FAON)։ FAON-ը ճանաչված և հարգված կազմակերպություն է նիդերլանդական քաղաքական-հասարակական կառույցների կողմից: Հայ համայնքի կազմակերպական աշխատանքներից բացի՝ այն կատարում է նաև լոբիիստական գործունեություն հօգուտ Հայաստանի և հայ ժողովրդի։

1984 թ. եղել է «Աբովյան» մշակութային միության հիմնադիրներից և առաջին նախագահը (մինչև 1989 թ.), իսկ 1999 թվականից առ այսօր ղեկավարում է կառույցը։ 1980-ական թվականներին «Աբովյան» միությունը հրատարակել է «Քնար», իսկ 2000-2002 թթ.՝ «Լուրեր» ամսաթերթերը հայերենով և հոլանդերենով, որի խմբագրական կազմում է եղել Մաթևոս Հախվերդին։ «Աբովյան» միությունը ծավալել է բազմաթիվ հասարակական, մշակութային և կրթական գործունեություն Նիդերլանդներում։

1975 թ.-ին եղել է Հոլանդահայ միության հիմնադիրներից մեկը և կազմակերպության խորհրդի քարտուղարը։ Այդ տարիներին մի քանի ընկերների հետ միասին հրատարակել են «Դեպի Հայրենիք» ամսաթերթը` հայերեն, հոլանդերեն և թուրքերեն (թրքախոս հայերի համար)։

Պատանի հասակում Իրանում կազմակերպել և ղեկավարել է գրական գեղարվեստական խմբակներ, իսկ ուսանողական տարիներին եղել է ուսանողական խորհրդի անդամ և Մոսկվայում Իրանի ուսանողների կազմակերպության ղեկավարը, ինչպես նաև ակտիվ մասնակցել է Մոսկվայում հայ ուսանողների հավաքներին և 1965-1966 թթ. ապրիլի 24-ի ցույցերի կազմակերպմանը և իրագործմանը։