Կրթություն

Ավարտել է Կանադայի Կոնկորդիայի համալսարանի առևտրի ֆակուլտետը (մասնագիտացումը՝ ֆինանսներ և բիզնեսի կառավարում / բակալավր):

Աշխատանքային գործունեություն

2003 թ.-ին Միհրան Բարոնյանը Շվեյցարիայի Շաֆհաուզեն քաղաքում  հիմնադրել է «Azad Pharma AG»-ի ընկերութունը, որը զբաղվում է դեղագործական հումքի ստեղծմամբ:

2000-2009 թվականներին եղել է «Tecan» ռոբոտաշինական ընկերության նախագահը (Մանեդորֆ/ Ցյուրիխ): 

2000-2002 թթ. եղել է Բելփի անասնաբուժական և ատամնաբուժական ընկերության «Asklia» ընկերության գործադիր տնօրենը: 

1998-1999 թթ. եղել է Շվեյցարական Կարմիր Խաչի կողմից հիմնադրված Բեռնի կենտրոնական լաբորատորիաների գործադիր տնօրենը: 

1990-1997 թթ. եղել է «Cilag AG»-ի եվրոպական գործառնությունների գծով փոխնախագահը Զուգ և Շաֆհաուզեն քաղաքներում: Մինչ փոխնախագահ դառնալը՝ աշխատել է «Ortho-Clinical Diagnostics Inc»-ում (Ռոչեսթեր, ԱՄՆ):

Նա դեղագործության ոլորտում ունի երկարամյա փորձ և 1969-1990թթ. զբաղեցրել է մի շարք պատասխանատու պաշտոններ «Ջոնսոն և Ջոնսոն» համաշխարհային կազմակերպությունում (ԱՄՆ-ում և Կանադայում):

Լեզուների իմացություն

• Հայերեն (գերազանց)
• Անգլերեն (գերազանց)
• Ֆրանսերեն (գերազանց)

Լրացուցիչ տեղեկատվություն

Բարոնյանը շվեյցարահայ գործարար և բարերար է: Նա նաև հայ-շվեյցարական առևտրային պալատի նախագահն է, «Օգնություն Հայաստանին» շվեյցարական բարեգործական հիմնադրամի հոգաբարձուների խորհրդի անդամ:

1988թ.-ին հիմնադրվել է «Օգնություն Հայաստանին» շվեյցարական բարեգործական հիմնադրամը, որը Սպիտակի երկրաշարժից հետո բազում բարեգործական ծրագրեր է իրականացրել Հայաստանի սահմանամերձ համայնքներում (Տավուշի մարզ): 

2017թ. հիմնել է «Շվեյցարիա-Հայաստան» առևտրային պալատը: Պալատի ծրագրերն ուղղված են Հայաստանի տնտեսական զարգացմանն ու երկկողմ առևտրատնտեսական համագործակցության ամրապնդմանը:

Նրա կազմակերպմամբ Շվեյցարիայից մի քանի անգամ Հայաստան են եկել Շվեյցարացի գործարարների խմբեր՝ Հայաստանում ներդրումներ կատարելու հնարավորություններին ծանոթանալու և երկկողմ բիզնես կապերը զարգացնելու է ամրապնդելու համար: