Ես Մարինե Գրիգորյանն եմ։ Ծնվել եմ Սանկտ Պետերբուրգում և ներկայումս բնակվում եմ Եկատերինբուրգում։ Արմատներով Սյունիքից եմ։

Համայնքային գործունեության մեջ իմ առաջին քայլերն արել եմ  2013 թվականին, երբ առաջին անգամ այցելեցի հայկական կիրակնօրյա դպրոց։ Համայնքի ակտիվիստները ոգեշնչեցին ինձ, և ես սկսեցի հաճախել հայոց լեզվի և խոսքի մշակույթի դասերի, ինչպես նաև դհոլի, քանոնի և պարի պարապմունքներին։ Ժամանակի ընթացքում ավելի խորը ինտեգրվեցի հայ համայնքի աշխատանքներին։ Վերջին շրջանում ես կազմակերպում եմ մշակութային և զանգվածային միջոցառումներ Եկատերինբուրգի «Անի-Արմենիա» հայկական համայնքի կազմակերպության համար։

Աշխատել եմ որպես ռադիոհաղորդավար  «RadioVyshka24» երիտասարդական ռադիոկայանում։ Մասնակցել եմ նաև OTV հեռուստաընկերության «Школа с акцентом» նախագծին՝ ներկայացնելով հայկական մշակույթը։ Նախագծի նպատակն էր խրախուսել մարդկանց չամաչել իրենց ազգային պատկանելությունից, հպարտանալ դրանով և տարածել իրենց մշակույթը։ 

2020-2024 թվականներին վարել եմ «Ուրարտուի ժառանգները» հաղորդումը, որը  2002 թվականից հեռարձակվում է մարզային հեռուստատեսությամբ։ 

2021 թվականին գերազանցությամբ ավարտել եմ Ուրալի անշարժ գույքի և կառավարման քոլեջը «Հրատարակչական գործ» մասնագիտությամբ։ Իմ դիպլոմային աշխատանքը նվիրված էր մեդիատեքստերի գեղարվեստական վերլուծությանը՝ օգտագործելով «Անի-Արմենիա» հայկական համայնքի օրինակը։

Ներկայումս սովորում եմ Ուրալի դաշնային համալսարանի լրագրության ֆակուլտետում։ Համալսարանի Հայ ուսանողական միության անդամ եմ։ Դոցենտ Մարիա Ֆեդորի Պոպովայի հետ համատեղ, ով ղեկավարում է պարբերական մամուլի և ցանցային հրատարակությունների ամբիոնը, մենք իրականացնում ենք հետազոտական աշխատանք «Անի-Արմենիա» հայ համայնքի հանդուրժողականության մեդիառազմավարությունների թեմայով։

Իմ հետազոտությունն ինձ ոգեշնչեց ստեղծել իմ սեփական նախագիծը՝ «BAREV» մեդիապլատֆորմը։ Պլատֆորմի հիմնական նպատակն է տարածել հայկական մշակույթը Ռուսաստանում և նրա սահմաններից դուրս։ Ծրագրում կներկայացվեն նեթվորքինգ, հայ համայնքների միջոցառումների ազդագրեր, կենդանի կոնտենտ, հարցումներ և հարցազրույցներ տարբեր ոլորտների փորձագետների հետ։