Ես Աննա Սարկիսյանն եմ, ծնվել եմ Վրաստանի Թբիլիսի քաղաքում, քաղաք, որը հայտնի է իր հարուստ մշակույթներով և պատմությամբ: Մեծանալով կենսունակ և բազմազան միջավայրում՝ ես խորապես կրել եմ հայկական ժառանգության ազդեցությունը, որը վճռորոշ դեր է խաղացել իմ ինքնության ձևավորման գործում: Իմ ուսումնական ճամփորդությունը սկսվել է հայկական տարրական դպրոցում, որտեղ ես խորասուզվել եմ հայկական արմատներիս մեջ: 

Բարձրագույն կրթություն եմ ստացել միջազգային հարաբերությունների ֆակուլտետում: Ուսանողական տարիներին ակտիվորեն ներգրավված եմ եղել լրատվամիջոցների աշխատանքներում՝ կենտրոնացած լինելով ապատեղեկատվության դեմ պայքարի և հայ համայնքի գործունեության ուղղությամբ:

Իմ աշխատանքի միջոցով ես հանդես եմ եկել էթնիկ հայերի` որպես Վրաստանի քաղաքացի, իրավունքների և պարտականությունների մասին իրազեկության բարձրացման օգտին` ընդգծելով հանրային դիսկուրսում ներառականության և ներկայացվածության կարևորությունը:

Հետագայում ես զարգացրեցի իմ կարիերան՝ որպես միջազգային կրթական ծրագրերի մենեջեր, ինչը թույլ տվեց ինձ հնարավորություններ ստեղծել Վրաստանի երիտասարդների համար, հատկապես էթնիկ փոքրամասնությունների պատկանող երիտասարդների համար մասնակցել տարբեր փոխանակման ծրագրերի:

Ես այժմ աշխատում եմ Դանիայի թագավորական դեսպանատանը՝ որպես Հայաստանի հարցերով համակարգող և որպես հանրային դիվանագիտության պատասխանատու, որտեղ նպաստում եմ Դանիայի և Հայաստանի միջև երկկողմ հարաբերությունների ամրապնդմանը: