Ալեքսանդր Նարիմանյանը բանկային ոլորտի փորձագետ է, խորհրդատու, կազմակերպչական զարգացման և բիզնես խորհրդատվության մասնագետ: Ավարտել է Ռուսաստանի Գ.Վ. Պլեխանովայի անվան տնտեսագիտական ակադեմիան՝ ստացել բարձրագույն մաթեմատիկական կրթություն, այնուհետև Մ. Վ. Լոմոնոսովի անվան Մոսկվայի պետական համալսարանում ստացել է հոգեբանական կրթություն: Ալեքսանդրը նաև «Erickson International» կազմակերպության կողմից հավաստագրված մարզիչ է և ICF միջազգային «Ոսկե» հավաստագրի դափնեկիր:

Ալեքսանդրի մասնագիտական գործունեությունը ներառում է ավելի քան 20 տարվա աշխատանքային փորձ բանկային և ֆինանսական ոլորտներում: Նա կարևոր ներդրում է ունեցել Ռուսաստանի Դաշնության Կենտրոնական բանկում՝ որպես թվային ֆինանսական տեխնոլոգիաների հարցերով խորհրդական։ Այս պաշտոնում նա մասնակցել է «Թվայնացում 2.0» ծրագրի մշակմանը և իրականացմանը, ինչպես նաև նոր ֆինանսական տեխնոլոգիաների, այդ թվում՝ կրիպտոարժույթների և էլեկտրոնային առևտրի կարգավորման նորմատիվ մոտեցումների ստեղծմանը:

Ալեքսանդրը նաև զբաղեցրել է եվրոպական կենսաթոշակային հիմնադրամի փոխնախագահի պաշտոնը, որտեղ նա պատասխանատու է եղել գործառնական բլոկի ռազմավարական զարգացման, ՏՏ ենթակառուցվածքների արդիականացման և բիզնես գործընթացների օպտիմալացման համար: Նա մասնագիտացել է գործառնական ստորաբաժանումների կառավարման, նոր ծառայություններների գործարկման և բիզնես գործընթացների օպտիմալացման մեջ:

2018 թվականից Ալեքսանդրը զբաղվում է անհատական խորհրդատվական և հոգեբանական պրակտիկայով:

«իԳործ» ծրագրի շրջանակներում աշխատավայր՝ ՀՀ ֆինանսների նախարարություն: