Աննա Հակոբյանը ծնվել և մեծացել է Ռուսաստանում, սակայն արմատներով Սյունիքից է։

Աննան ավարտել է Օրենբուրգի պետական համալսարանի բակալավրիատը և Ռուսաստանի ժողովուրդների բարեկամության համալսարանի (ՌԺԲՀ) մագիստրատուրան: Մասնագիտությամբ լեզվաբան է, թարգմանիչ, անգլերենի և ռուսերենի՝ որպես օտար լեզուների ուսուցիչ։ Դասավանդել է Մոսկվայի մի շարք համալսարաններում, այդ թվում՝ ՌԺԲՀ-ում, որտեղ նա հնարավորություն է ունեցել շփվելու տարբեր մշակույթների և ազգերի ներկայացուցիչների հետ և աշխատել տարբեր երկրներից ժամանած օտարերկրացիների հետ: 

Աննան թե՛ ուսման, թե՛ աշխատանքի տարիներին մշտապես ակտիվ գործունեություն է ծավալել հայկական համայնքում։ Մասնավորապես մասնակցել է ՌԺԲՀ համալսարանական հայ համայնքի աշխատանքներին, ինչպես նաև ակտիվորեն մասնակցել է Մոսկվայի հայ երիտասարդական տարբեր կազմակերպությունների կյանքին։

«իԳործ» ծրագրի շրջանակներում աշխատավայր՝ ՀՀ աշխատանքի և սոցիալական հարցերի նախարարություն: