Ալեքս Սոլոմոնյան
Ես Ալեքս Սոլոմոնյանն եմ, 26 տարեկան։ Ապրում եմ Փարիզում՝ մի քաղաք, որի բազմամշակութային կենսուրախությունը միշտ էլ սնուցել է իմ ինքնությունն ու նվիրվածությունը Հայաստանին։ Թեպետ ծնվել և մեծացել եմ Հայաստանից դուրս, հայկական ժառանգությունը մշտապես եղել է իմ անձնական և մասնագիտական ուղու հիմքում։ Մանկությանս առաջին տարիներից իմ ընտանիքը մեծ կարևորություն է տվել մեր մշակույթի փոխանցմանը, և ես ակտիվորեն մասնակցել եմ բազմաթիվ նախաձեռնությունների, որոնք ամրապնդում են Ֆրանսիայի և Հայաստանի կապերը։
Ավարտել եմ Լյուքսեմբուրգի համալսարանի օրենսդրական ուսումնասիրությունների մագիստրատուրան և Էքս-Մարսելի համալսարանի պետական իրավունքի և օրենսդրական ուսումնասիրությունների մագիստրատուրան ։ Ունեմ նաև կրկնակի բակալավրի աստիճան իրավաբանական և պետական կառավարման ոլորտներում՝ ստացած Բուրգունդիայի համալսարանում։ Այս ամենը հիմք է դարձել, որ ամբողջությամբ նվիրվեմ հասարակական գործերի աշխարհին՝ միշտ հավատալով, որ ժողովուրդների և հաստատությունների միջև երկխոսությունը առաջընթացի հզոր գործիք է։
2023 թվականի սեպտեմբերից աշխատում եմ որպես հանրային գործերի պատասխանատու մեծ ֆրանսիական ընկերությունում, որը մասնագիտացած է միջազգային տրանսպորտի և լոգիստիկայի ոլորտում։ Իմ ամենօրյա աշխատանքը ներառում է ազդեցության ռազմավարությունների մշակում խորհրդարանականների և կառավարության պաշտոնյաների համար, օրենսդրական փոփոխությունների և դիրքորոշման փաստաթղթերի կազմավորում, ինչպես նաև իրադարձությունների կազմակերպում՝ ինստիտուցիոնալ ոլորտում իրազեկվածություն բարձրացնելու նպատակով։ Նախկինում եղել եմ հանրային գործերի պատասխանատու «Enterprise Holdings»-ում՝ հատկապես տնտեսության դեկարբոնիզացիայի և օրենսդրական գործընթացների վերահսկողության ոլորտներում, իսկ դրանից առաջ կարճ փորձ եմ ձեռք բերել Ֆրանսիայի Ազգային ժողովում։
Հայաստանի հանդեպ իմ նվիրվածությունը մշտապես ուղեկցել է ինձ իմ աշխատանքային փորձի ընթացքում։ 2022 թվականին միացել եմ Ֆրանսիայի դեսպանատան քաղաքական դիվանատանը Հայաստանում, որտեղ կազմել եմ զեկույցներ տեղական քաղաքական իրավիճակի վերաբերյալ և խորացրել իմ գիտելիքները Կովկասի տարածաշրջանի մասին։ 2024 թվականի փետրվարից հանդիսանում եմ G2iA-ի (ֆրանսահայկական ընկերություններ խթանող կառույց) հանրային կապերի պատասխանատու, որտեղ համակարգում եմ փաստարկային աշխատանքը հայկական ուղղությամբ ֆրանսիական ինստիտուտների հետ։
Եղել եմ Ֆրանսիայի օրենսդրական և խորհրդարանական ուսումնասիրությունների ասոցիացիայի փոխնախագահ, ինչպես նաև Պաշտպանության Ազգային Բարձրագույն Ինստիտուտի (IHEDN) երիտասարդական բաժնի անդամ։ Բացի այդ, մասնակցել եմ Շալոն-սյուր-Սոն քաղաքում անցկացված տեղական ինքնակառավարման ընտրություններին՝ որպես թեկնածու։
Ազատ տիրապետում եմ հայերեն, ֆրանսերեն և անգլերեն լեզուներին, իսկ գերմաներենն ու ռուսերենը գիտեմ առաջադեմ մակարդակով։ Նվիրված եմ համայնքների միջև կամուրջներ կառուցելուն։ Իմ ուղին մշտապես նշանավորվել է Ֆրանսիայի և Հայաստանի մերձեցման, փոխադարձ ըմբռնման խթանման և մեր երկու մշակույթների խաչմերուկում նոր սերնդի դերակատարների ձևավորման անկեղծ ձգտմամբ։