Ես Արեգ Ֆարիշյանն եմ, 25 տարեկան։ Ապրում եմ Ռուսաստանի Դաշնության Մայկոպ քաղաքում, որտեղ էլ ծնվել եմ։ Չնայած դրան, վաղ տարիքից ինձ սերմանել են հայ լինելու զգացողությունը և հայրենի արժեքների պահպանման կարևորությունը։

Մեծացել եմ Մայկոպի հայ համայնքում՝ ակտիվորեն մասնակցելով համայնքային կյանքին և շարունակելով ծնողներիս նախաձեռնությունները։ Ավարտել եմ Ադիգեայի Պետական համալսարանի բանկային գործի բակալավրիատը, իսկ մագիստրոսական կրթությունս ստացել եմ զբոսաշրջության կառավարման ուղղությամբ։

2017 թվականից ղեկավարում եմ մեր քաղաքի հայ երիտասարդների միավորումը։ Մեր գործունեության կարևորագույն ուղղություններից է համագործակցությունը Ռուսաստանի այլ քաղաքներում գործող հայ երիտասարդական միությունների հետ։

Ավելի քան հինգ տարի հանդիսանում եմ «Սբերբանկի» լավագույն մենեջերներից մեկը՝ պատասխանատու լինելով բիզնեսի զարգացման աջակցման և ընկերության էկոհամակարգի ընդլայնման համար։

Որպես Ադիգեի Հանրապետությունը ներկայացնող երիտասարդ դեսպան՝ պատրաստ եմ նպաստել տարբեր քաղաքների և երկրների սփյուռքահայերի միջև կապերի ամրապնդմանը։ Վստահ եմ, որ իմ փորձը, հմտությունները և նվիրվածությունը օգտակար կլինեն ինչպես Ծրագրի, այնպես էլ Գրասենյակի համար։