Սոնա Մեխակյան
Սոնա Մեխակյանը ծնվել և մեծացել է Բելառուսում։ Ավարտել է Բելառուսի պետական երաժշտական ակադեմիան՝ «Դաշնամուր» մասնագիտությամբ։ Միջազգային և հանրապետական մրցույթների դափնեկիր է։
Աշխատել է որպես դաշնամուրի ուսուցչուհի և նվագակցող՝ երաժշտական դպրոցներում և քոլեջներում, ինչպես նաև դասավանդել է երաժշտություն Մինսկ քաղաքի հայկական կիրակնօրյա դպրոցում։
2018 թվականից ակտիվորեն մասնակցում է «Էրեբունի» հայկական ավանդական պարային անսամբլի գործունեությանը և Մինսկի հայկական «Հայաստան» քաղաքային մշակութային-կրթական կազմակերպության գործունեությանը։
«իԳործ» ծրագրի շրջանակներում աշխատում է ՀՀ կրթության, գիտության, մշակույթի և սպորտի նախարարությունում։