Ես Սևան Գալամազեանն եմ։ Իրավախորհրդատու եմ Լիոնից՝ Ֆրանսիայից: Մագիստրոսի կոչում ունեմ միջազգային հարաբերությունների և անվտանգության պաշտպանության ոլորտում և երկրորդ ասպիրանտուրաս ավարտել եմ մարդու իրավունքների ոլորտում:

Միշտ ցանկացել եմ իմ փորձն ու հմտություններն օգտագործել Հայաստանում: Այսպիսով, 2019-ին ես որոշ ժամանակ անցկացրեցի այստեղ՝ աշխատելով Հայաստանի գյուղական վայրերում կրթության հասանելիության ուղղությամբ «Դասավանդի՛ր Հայաստան» հիմնադրամի շրջանակներում:

Ավելի ուշ միացա «Դեպի Հայք» կազմակերպությանը և աշխատեցի «Human Rights House Yerevan»-ի և «Article 3» ՀԿ-ների հետ:

2020 թվականին աշխատել եմ նաև Անատոլ Ֆրանսի անվան ֆրանսիական կրթահամալիրում:

Որպես «իԳործ»-ի փորձագետ՝ այժմ աշխատում եմ Հայաստանի մարդու իրավունքների պաշտպանի գրասենյակում՝ երեխաների իրավունքների վարչությունում։

 Ազատ ժամանակ սիրում եմ երգել և բոքսով զբաղվել։