Ողջույն։ Ես Դավիթ Շահվերդյանն եմ Ուկրաինայի Խարկով քաղաքից։

29 տարեկան եմ, ծնվել եմ Խարկովում և կյանքիս մեծ մասն ապրել եմ Ուկրաինայում: Վաղ մանկությունս անցկացրել եմ Վանաձորում։ 

Ունեմ ֆինանսատնտեսական անվտանգության ոլորտի մագիստրոսի աստիճան, ինչպես նաև հաշվապահական հաշվառում և աուդիտ որակավորման մասնագետ եմ, կրթությունս ստացել եմ Խարկովի համալսարանում։ 

Ունեմ բազմակողմանի փորձ առևտրային գործունեության մեջ` ֆինանսներ, հաշվապահություն, մարկետինգ: Երկար տարիներ աշխատել եմ բիզնես նախագծերի մեկնարկի և իրականացման վրա՝ ակտիվ օգտագործելով նոր մտքերի գեներացումն ու ներդրումը։ Ունեմ աշխատանքի փորձ Ուկրաինային ներքին գործերի նախարարությունում։ 

Ուկրաինայի հայկական ինֆորմացիոն դաշտի ակտիվ անկախ մասնակից եմ, իրականացրել եմ ծրագրեր Ուկրաինայի հայերի ազգային ինքնագիտակցության մակարդակի բարձրացման ուղղությամբ։ 

Որպես «իԳործ» ծրագրի մասնագետ՝ աշխատում եմ ՀՀ էկոնոմիկայի նախարարության նորամուծության և ձեռներեցության ազգային կենտրոնում, որտեղ օգտագործում եմ իմ ամբողջ փորձը, հմտություններն ու կապերը։