Իմ անունը Ասպրամ Մխիթարյան է, ես 28 տարեկան եմ, ծնվել եմ Վանաձորում։ 

2000-2006 թվականներին սովորել եմ Վանաձորի 11-րդ դպրոցում։ Այնուհետև ուսումս շարունակել եմ Ֆրանսիայում։ Նիսի համալսարանում-Սոֆիա Անտիպոլիստ իրավաբանության ֆակուլտետում ստացել եմ մասնավոր իրավունքի բակալավրի աստիճան։ 

Ունեմ 2 մագիստրոսի աստիճան։ 2017 թվականին ստացել եմ եվրոպական և միջազգային իրավունքի մագիստրոսի աստիճան՝ մասնագիտանալով միջազգային բիզնես իրավունքի ոլորտոմ։ Այնուհետև 2018 թվականին Նիսի մենեջմենթի ավագ դպրոցում ստացել եմ ֆինանսների մագիստրոսի կոչում՝ մասնագիտանալով միջազգային ֆինանսների կառավարման ոլորտում։ 

2019 թվականից սկսած աշխատել եմ ֆինանսական կառույցներում որպես իրավական և ֆինանսական խորհրդատու։ Իմ փորձը ներառում է ռիսկերի գնահատում և ներքին վերահսկողություն, առաջարկների տրամադրում, ինչպես նաև գործող օրենքների, կանոնակարգերի և ներքին քաղաքականություններ վերահսկողություն:

Խոսում եմ հայերեն, ֆրանսերեն, անգլերեն և ռուսերեն լեզուներով։ 

Որպես «իԳործ» մասնագետ աշխատում եմ Կոռուպցիայի կանխարգելման հանձնաժողովում։ 

*Ասպրամ Մխիթարյանը  եղել է «իԳործ» ծրագրի մասնագետ մինչև 2021թ.-ի օգոստոսի 31-ը: