Ես Շանթն եմ Բուրջ Համուդից, Լիբանան։

Բեյրութի Հայկազյան համալսարանում ստացել եմ քաղաքագիտության բակալավրի աստիճան, Կոստա Ռիկայի ՄԱԿ-ի խաղաղության համալսարանի միջազգային իրավունքի և մարդու իրավունքների պաշտպանության մագիստրոսի աստիճան։

Աշխատել եմ ՄԱԿ-ի բնակչության հիմնադրամում և հասարակական կազմակերպություններում, իմ նախընտրությունը եղել է տնտեսական և սոցիալական իրավունքների ոլորտը:

Որպես «իԳործ» մասնագետ աշխատում եմ Հայաստանի մարդու իրավունքների պաշտպանի գրասենյակում, որն ունի անկախ գործունեության բարձրագույն “A” աստիճան։ Աշխատում եմ միջազգային կապերի վարչությունում՝ որպես մարդու իրավունքների պաշտպանության մասնագետ։