Բարև, ես Սևակ Քարամյանն եմ Սանկտ Պետերբուգից:

Մասնագիտությամբ քաղաքագետ եմ, ավարտել եմ ԵՊՀ քաղաքագիտության բաժինը: Ուսումս շարունակել եմ Մոսկվայում ՌԴ նախագահին կից պետական կառավարման ակադեմիայում, որտեղ ստացել եմ քաղաքական գիտությունների թեկնածուի գիտական աստիճան:

Մասնակցել եմ տարբեր կրթական ծրագրերի եվրոպական մի շարք երկրներում և ԱՄՆ-ում: 

2007-2010թ.թ. դասավանդել եմ հայաստանյան բուհերում: 2011-2016թ.թ. ընդգրկվել եմ Եվրոպայի խորհրդի տեղական և տարածքային իշխանությունների կոնգրեսի փորձագետների խմբում:

2010 թ.-ից բնակվում եմ Սանկտ Պետերբուրգում, որտեղ զբաղվում եմ ինչպես գիտական գործունեությամբ, այնպես էլ գործարարությամբ:

Որպես «իԳործ»-ի մասնակից՝ աշխատում եմ ՀՀ տարածքային կառավարման և ենթակառուցվածքների նախարարությունում: 

*Սևակ Քարամյանը եղել է «իԳործ» ծրագրի մասնագետ մինչև 2021թ.-ի սեպտեմբերի 30-ը: