Արմեն Բեգիջանի
Ողջույն: Ես Արմեն Բեգիջանի եմ 34 տարեկան Թեհրանից, որտեղ ծնվել և մինչ Հայաստան տեղափոխվելս ապրել եմ: Ուսանողական տարիներից ես եղել եմ հայ համայնքի ակտիվ անդամ երիտասարդական հաստատություններում և մասնակցել եմ տարբեր մշակութային և կրթական ծրագրերի:
Թեհրանի Ազատ համալսարանի երթևեկի և տրանսպորտային ճարտարագիտության մագիստրոսի կոչում ունեմ: Երկար տարիներ աշխատել եմ այս ոլորտում՝ հիմնականում նախագծեր իրականացնելով Թեհրանում, որտեղ տրանսպորտը միշտ եղել է կարևորագույն խնդիրներից մեկը, որոնք մասնագիտական լուծումների կարիք ունեն:
Որպես «իԳործ» ծրագրի մասնակից՝ ես նախընտրեցի համագործակցել Երևանի քաղաքապետարանի հետ՝ ներդնելով իմ փորձը լուծելու այն խնդիրները, որոնք միշտ նկատել էի Հայաստան իմ այցերի ընթացքում:
Ինձ շատ բախտավոր եմ համարում, որ ընտրվեցի այս ծրագրի համար, որի միջոցով կարող եմ մասնակցել իմ հայրենիքի բարեկեցիկ ապագայի կառուցմանը:
Նորություններ ԵՎ հայտարարություններ
«իԳործ»-ականները հանդիպեցին Երևանի քաղաքապետին
26 Ապրիլի 2022
ՀՀ կառավարությունում սփյուռքահայ մասնագետների «իԳործ» ծրագրի մասնակիցները հյուրընկալվեցին Երևանի քաղաքապետարանում և հանդիպեցին քաղաքապետ Հրաչյա Սարգսյանի հետ:
Ամբողջ նյութը