Ես մեծացել եմ Համբուրգում, որտեղ ընտանիքիս հետ հաճախում էի տեղի հայկական կենտրոն և մասնակցում էի հայերենի դասընթացներին: Համբուրգում սովորել եմ փայտագիտություն և ավարտել եմ մագիստրատուրան, այնուհետև մասնագիտացել եմ ծառագիտության ոլորտում՝ հույս ունենալով նպաստել քաղաքային էկոլոգիայի և քաղաքային ծառերի առողջությանն ու անվտանգությանը, հատկապես՝ Հայաստանում:

Դրեզդենում նորաստեղծ Հայկական մշակութային միության անդամ եմ, որտեղ մենք մշակում ենք մեր առաջին նախագիծը, այն է՝ կազմակերպել լեզվի դասընթացներ, որպեսզի Գերմանիայում երեխաները կարողանան հայերեն սովորել: Ես նաև Համբուրգի հայ երիտասարդական ասոցիացիայի խորհրդի անդամ եմ, որտեղ մենք կազմակերպում ենք սոցիալական և մշակութային միջոցառումներ՝ սփյուռքի հայ երիտասարդների միջև կապն ամրապնդելու նպատակով: Գնահատում եմ «Սփյուռքի երիտասարդ դեսպան» ծրագրին մասնակցելու հնարավորությունը և հույս ունեմ օգնել սփյուռքի և հայրենիքի միջև կապի հզորացմանը։

Նորություններ ԵՎ հայտարարություններ