Ես Եկատերինբուրգ քաղաքում եմ ապրում, սակայն ծնվել եմ Էջմիածնում: 2001 թվականից ընտանիքով ապրում ենք Ռուսաստանում:

Ավարտել եմ Ուրալի դաշնային համալսարանի պետական կառավարման և ձեռներեցության ինստիտուտը: Իմ մասնագիտությամբ աշխատում եմ Սվերդլովսկի մարզի դաշնային գանձապետարանում:

Աշխատել եմ Սվերդլովսկի մարզի ազգային-մշակութային ասոցիացիաների միավորման մեջ: Հայ համայնքի «АНИ-Армения» նախագծի ղեկավարն ու համակարգողն եմ:

Տեղի իշխանությունների մասնակցությամբ տարբեր մակարդակների մարզային և քաղաքային միջոցառումների կազմակերպման փորձ ունեմ (ֆորումներ, համաժողովներ, կրթական ծրագրեր): Համագործակցում եմ իշխանական տարբեր մարմինների հետ: Ակտիվ համայնքային գործունեության և Սվերդլովսկի մարզում ազգային մշակույթի զարգացման գործում ունեցած նշանակալի ավանդի համար մարզպետի կողմից պարգևատրվել եմ շնորհակալագրով:

Կարծում եմ, որ հայերը ուժեղ են, երբ միասնական են, և մենք միասին կարող ենք ավելին: «Սփյուռքի երիտասարդ դեսպան» ծրագրի շրջանակներում աշխատանքս կենտրոնացած կլինի երիտասարդության ուղղությամբ: Ապագան մերն է:

Նորություններ ԵՎ հայտարարություններ