Հայրենադարձություն
Հայրենադարձության և ինտեգրման կենտրոնի մասին
Հայրենադարձության և ինտեգրման կենտրոնը հանդիսանում է միասնական ռեսուրս-կենտրոն հայրենադարձների համար՝ աջակցելով նրանց դեպի հայրենիք տեղափոխությանն առնչվող բոլոր հարցերում։ Այն ստեղծվել է ՀՀ սփյուռքի գործերի գլխավոր հանձնակատարի գրասենյակի կողմից՝ Հ. Հովնանյան ընտանեկան հիմնադրամի հետ համագործակցությամբ։
Կենտրոնի նպատակն է խթանել հայրենադարձությունը, աջակցել հայրենադարձների արդյունավետ ինտեգրման գործընթացին և ակտիվ ներգրավմանը Հայաստանի Հանրապետության հասարակական-քաղաքական, մշակութային և սոցիալ-տնտեսական կյանքին:
Կենտրոնի ծառայությունները
Յուրաքանչյուր հայրենադարձի կամ հայրենադարձության գործընթացում գտնվող շահառուի հետ աշխատում է կենտրոնի մեկ աշխատակից, ով խորհրդատվություն և գործնական աջակցություն է տրամադրում հետևյալ ուղղություններով`
- քաղաքացիության և կացության կարգավիճակի ձեռքբերում
- անձնական գույքի տեղափոխություն
- առողջապահական հարցեր
- կրթամշակութային հարցեր
- սոցիալ-տնտեսական հարցեր
- զբաղվածություն և աշխատանքի թույլտվություն
- զինվորական հաշվառում
- իրավական ոլորտի հարցեր
- բիզնեսի հիմնում կամ տեղափոխություն
Կենտրոնն առաջարկում է նաև.
Գործընկերներ
Հայրենադարձների լիարժեք ինտեգրումն ապահովելու համար Հայրենադարձության և ինտեգրման կենտրոնը սերտորեն աշխատում է «Repat Armenia» հիմնադրամի մեր գործընկերների հետ՝ օգնելով հայրենադարձներին աշխատանք գտնել Հայաստանում, ինչպես նաև պարբերաբար կազմակերպելով առցանց և անցանց հանդիպումներ, ցանցային միջոցառումներ, աշխատանքի տոնավաճառներ և մասնագիտական վերապատրաստման դասընթացներ։
Հայրենադարձության ուղեցույցը
Սեղմեք այստեղ հայրենադարձության համակողմանի ուղեցույցը ներբեռնելու համար, որը մեր գրասենյակը պատրաստել է Repat Armenia հիմնադրամի գործընկերների հետ միասին: Ուղեցույցը հասանելի է արևելահայերենով, արևմտահայերենով, ռուսերենով, անգլերենով, իսպաներենով, ֆրանսերեն և արաբերեն:
Այցելեք մեզ
► 37 Հանրապետության փողոց, Երևան (մուտքը Մելիք-Ադամյան փողոցից)
(+374) 10 515 516
Facebook | Instagram | Telegram
