Լուրեր
Երիտասարդ դեսպանները հանդիպում են ունեցել ՀՀ սփյուռքի գործերի գլխավոր հանձնակատար Զարեհ Սինանյանի հետ
Գրասենյակ
«Սփյուռքի երիտասարդ դեսպան» ծրագիրը շարունակվում է։ Ծրագրի շրջանակում երիտասարդ դեսպանները հանդիպում են ունեցել ՀՀ սփյուռքի գործերի գլխավոր հանձնակատար Զարեհ Սինանյանի հետ։
Զարեհ Սինանյանը ողջունել է երիտասարդների մղումը դեպի Հայաստան, կարևորել նրանց դերը սփյուռքի համայնքներում, արժևորել նրանց կատարած աշխատանքը և հույս հայտնել, որ ծրագրի արդյունքում նրանք կդառնան ավելի արդյունավետ գործընկերներ ինչպես Գրասենյակի, այնպես էլ իրենց համայնքների համար։
Ամբողջ նյութը
02 Հոկ 2025
«Սփյուռքի երիտասարդ դեսպան» ծրագիրը շարունակվում է
Գրասենյակ
«Սփյուռքի երիտասարդ դեսպան» ծրագրի մասնակիցները հայրենիքում գտնվելու վերջին օրերի ընթացքում հնարավորություն են ունեցել ևս մեկ անգամ հանդիպելու Երիտասարդ առաջնորդների դպրոցի հիմնադիր-տնօրեն (2006-2016), Երևանի պետական համալսարանի ռազմավարական հաղորդակցության մագիստրոսական ծրագրի ղեկավար Արտակ Շաքարյանի հետ։ Հանդիպման ընթացքում քննարկվել են ապագա նախաձեռնությունները։
Ամբողջ նյութը
01 Հոկ 2025
Զարեհ Սինանյանը մասնակցել է «Սարյանի աստիճաններ» նախագծի հանդիսավոր բացման արարողությանը
Հանձնակատար
«Սարյանի աստիճաններ» նախագիծը կյանքի է կոչվել «Մանե Թայլս» ընկերության նախաձեռնությամբ՝ «Կերոն» հիմնադրամի և Կենտրոն վարչական շրջանի ղեկավարության աջակցությամբ։ Նախագծի շրջանակում բարեկարգվել և նոր կյանք է ստացել Սարյանի անվան փողոցից դեպի Հայաստանի կոմպոզիտորների միություն տանող աստիճաններն ու հարակից տարածքը։
Ամբողջ նյութը
30 Սեպ 2025
«Սփյուռքի երիտասարդ դեսպան» ծրագրի շրջանակներում շարունակվում են կրթական և ճանաչողական միջոցառումները
Գրասենյակ
Ծրագրի մասնակիցները հնարավորություն են ունեցել լսելու Հայաստանի ամերիկյան համալսարանի պրոֆեսոր, բիզնես թրեյներ և խորհրդատու Սերգեյ Թանթուշյանի «Համոզիչ հաղորդակցություն. ինչպե՞ս համոզել մյուսներին՝ ճանաչելով ինքդ քեզ» թեմայով դասախոսությունը։ Դասախոսության ընթացքում ներկայացվել են արդյունավետ հաղորդակցության գործիքներ, ինքնաճանաչման և առաջնորդական հմտությունների զարգացման մեթոդներ։
Ամբողջ նյութը
30 Սեպ 2025
Զարեհ Սինանյանը մասնակցել է AMAA Հայաստանի Հանքավանի բազմաֆունկցիոնալ համալիրի հանդիսավոր բացման արարողությանը
Հանձնակատար
ՀՀ սփյուռքի գործերի գլխավոր հանձնակատար Զարեհ Սինանյանը մասնակցել է AMAA Հայաստանի Հանքավանի բազմաֆունկցիոնալ համալիրի հանդիսավոր բացման արարողությանը և հանդես եկել ողջույնի խոսքով։
Միջոցառմանը մասնակցել են նաև ՀՀ էկոնոմիկայի նախարար Գևորգ Պապոյանը, Աշխատանքի և սոցիալական հարցերի նախարար Արսեն Թորոսյանը և ՀՀ վարչապետ Նիկոլ Փաշինյանի գլխավոր խորհրդական Լիլիթ Մակունցը։
Իր ողջույնի խոսքում Գլխավոր հանձնակատար Զարեհ Սինանյանը կարևորել է AMAA-ի բազմամյա գործունեությունը և Հայաստանի համար ցուցաբերած հետևողական աջակցությունը՝ ընդգծելով, որ այն մեծապես նպաստում է Հայաստանի ու Սփյուռքի կապերի ամրապնդմանը։
Ամբողջ նյութը
30 Սեպ 2025
Զարեհ Սինանյանն ընդունել է ՀՀ-ում Կիպրոսի արտակարգ և լիազոր դեսպան Միքայել Մավրոսին
Հանձնակատար
Սեպտեմբերի 29-ին ՀՀ սփյուռքի գործերի գլխավոր հանձնակատար Զարեհ Սինանյանն ընդունել է ՀՀ-ում Կիպրոսի արտակարգ և լիազոր դեսպան Միքայել Մավրոսին։
Ողջունելով դեսպանին՝ Զարեհ Սինանյանը կարևորել է Կիպրոսի հետ բարեկամական հարաբերությունների շարունակական զարգացումը՝ ընդգծելով երկու երկրներում դեսպանատների առկայությունը: Կողմերը քննարկել են Հայաստան-Հունաստան-Կիպրոս սփյուռքի հարցերով համագործակցության հուշագրի շրջանակում աշխատանքներին վերաբերող հարցեր և անդրադարձել եռակողմ համագործակցության զարգացման հեռանկարներին:
Ամբողջ նյութը
29 Սեպ 2025
ՀՀ սփյուռքի գործերի գլխավոր հանձնակատար Զարեհ Սինանյանն աշխատանքային այցով գտնվում էր Դանիայում
Հանձնակատար
ՀՀ սփյուռքի գործերի գլխավոր հանձնակատար Զարեհ Սինանյանն աշխատանքային այցով գտնվում էր Դանիայում։
Աշխատանքային այցի շրջանակներում Բրոնդբի համայնքում Զարեհ Սինանյանը հանդիպել է համայնքի ավագանի, Դանիայի Սոցիալիստական ժողովրդական կուսակցության անդամ, Սոցիալական և առողջապահական հանձնաժողովի նախագահ Հայկ Զանազանեանի (Hajg Zanazanian) հետ։
Ամբողջ նյութը
29 Սեպ 2025