Բարսելոնա աշխատանքային այցի շրջանակներում Սփյուռքի գործերի գլխավոր հանձնակատարի գրասենյակի ղեկավար Մուշեղ Ղուկասյանը մասնակցել է Եվրահայկական 24֊րդ խաղերի փակման պաշտոնական արարողությանը։ Նա ներկաներին է փոխանցել Գլխավոր հանձնակատար Զարեհ Սինանյանի ողջույնի խոսքը, որից հետո գավաթներ է հանձնել մրցանակային տեղեր զբաղեցրած  թիմերին:

Սփյուռքի գործերի գլխավոր հանձնակատարի գրասենյակի ղեկավար Մուշեղ Ղուկասյանն այցելել է Պրահայի Ս. Հոգի եկեղեցի և մասնակցել Ծաղկազարդի տոնին նվիրված պատարագին։

Չեխիա աշխատանքային այցի շրջանակներում Գլխավոր հանձնակատարի գրասենյակի ղեկավար Մուշեղ Ղուկասյանն այցելել է Պրահայի հայկական շաբաթօրյա դպրոց և հանդիպել կրթօջախի ղեկավարության, ուսուցիչների և աշակերտների հետ։

ՀՀ սփյուռքի գործերի գլխավոր հանձնակատարի գրասենյակի ղեկավար Մուշեղ Ղուկասյանը Չեխիայի Հանրապետություն կատարած աշխատանքային այցի շրջանակներում ՀՀ դեսպանությունում հանդիպել է Չեխիայի հայ համայնքում գործող կառույցների ներկայացուցիչների,  ինչպես նաև համայնքում ակտիվ գործունեություն ծավալող մի շարք անհատների հետ։

Իրկուտսկի հայ մշակութային միությունում կայացել է Սփյուռքի գործերի գլխավոր հանձնակատարի գրասենյակ ղեկավար Մուշեղ Ղուկասյանի հանդիպումը հայ համայնքի ներկայացուցիչների հետ: Հանդիպման մեկնարկին միության ղեկավար Հայկ Գնդլյանը ներկայացրել է միության 30-ամյա գործունեությունը, նախաձեռնությունները և հետագա անելիքները։ Նա ընդգծել է, որ համայնքում գործում է կիրակնօրյա դպրոց, 2 պարախումբ, անցկացվում են երաժշտական գործիքների դասընթացներ։

Այս շաբաթ մեր գրասենյակում և Հայրենադարձության և ինտեգրման կենտրոնում տեղի են ունեցել մի շարք հանդիպումներ Իրաքի Բաղդադ ու Բասրա քաղաքների հայ համայնքային կառույցների ղեկավարության, ինչպես նաև Հայ առաքելական եկեղեցու Իրաքի թեմի առաջնորդ Օշական սրբազան Կյուլկյուլյանի հետ:

Երևանի Փավստոս Բուզանդի փողոցի Խաչքարերի պուրակում կայացավ հայ-լեհական դարավոր բարեկամությանը և Սբ. Հովհաննես Պողոս Բ Պապին նվիրված խաչքարի բացման և օծման հանդիսավոր արարողությունը: Միջոցառմանը մասնակցում էին Լեհաստանի սփյուռքի և արտերկրի լեհերի հարցերով կառավարության լիազոր ներկայացուցիչ, պետքարտուղար Յան Ջիեջիչակը, ՀՀ սփյուռքի գործերի գլխավոր հանձնակատար Զարեհ Սինանյանը, ՀՀ արտաքին գործերի նախարարի տեղակալ Պարույր Հովհաննիսյանը, Լեհաստանում Հայաստանի պատվավոր հյուպատոս Հրաչյա Բոյաջյանը, հոգևոր հայրեր, պետական պաշտոնյաներ: