Ծրագրի մասին

2021 թվականի նոյեմբերի 17-ին Հայաստանի Հանրապետության Ազգային ժողովն ընդունել է «Հանրային ծառայության մասին» ՀՀ օրենքում փոփոխություններ կատարելու մասին ՀՀ օրենքը, ըստ որի Սփյուռքի գործերի գլխավոր հանձնակատարը կարող է ունենալ Սփյուռքի գործերի հանձնակատարներ՝ օտարերկրյա պետություններում հասարակական հիմունքներով նշանակված խորհրդականի կարգավիճակով:

Սփյուռքի գործերի հանձնակատարների ինստիտուտի ներդրմամբ՝ ընդլայնվում են Սփյուռքի գործերի գլխավոր հանձնակատարի գրասենյակի ցանցային կարողությունները:

Սփյուռքի գործերի հանձնակատարի ինստիտուտի ներդրման նպատակն է զարգացնել Հայաստան-սփյուռք գործակցությունը, բարձրացնել այդ բնագավառում իրականացվող աշխատանքների արդյունավետությունը, ապահովել հայ համայնքների միջեւ կայուն հարաբերությունները և համայնքի ներուժի նպատակային ներգրավումը, ինչպես նաեւ աջակցել հայ ինքնության պահպանմանը, հայրենադարձությանն ու Հայաստանում սփյուռքահայերի ինտեգրմանն ուղղված միջոցառումների կազմակերպմանը:

Սփյուռքի գործերի հանձնակատարները նշանակվում են ՀՀ վարչապետի կողմից  հասարակական հիմունքներով խորհրդականի կարգավիճակով, չեն վարձատրվում, չունեն նորմավորված աշխատանքի և աշխատաժամանակի ռեժիմ: Նրանք Հայաստան-սփյուռք գործակցության վերոհիշյալ ուղղություններով տրամադրելու են մասնագիտական խորհրդատվություն և աջակցելու են սփյուռքի գործերի գլխավոր հանձնակատարի կողմից սփյուռքի հետ փոխգործակցության բնագավառում իրականացվող աշխատանքներին։

Չափորոշիչներ

Սփյուռքի գործերի հանձնականատարի թեկնածուն պետք է.

- իր համայնքում ունենա ընդգրկուն կապեր և ճանաչելիություն

- դրական աշխատանքային հարաբերություններ համայնքային տարբեր շրջանակների հետ

- Սփյուռքի նկատմամբ ՀՀ կառավարության քաղաքականության գերազանց պատկերացում

- պատրաստակամություն աշխատանք ծավալել տարբեր ուղղություններով (օրինակ՝ երիտասարդական խմբեր, մասնագիտական ​​ցանցեր, կրթություն, մշակույթ, համայնքի զարգացում, տնտեսական հարաբերություններ Հայաստանի հետ և այլն):

- Բավարար ժամանակ և ռեսուրսներ այս պաշտոնում աշխատանք ծավալելու համար

- Սփյուռքի գործերի հանձնակատարի պաշտոնը կարող է զբաղեցնել բարձրագույն կրթություն ունեցող, քսանհինգ տարին լրացած, հայերենին տիրապետող, ինչպես նաև առնվազն երկու օտար լեզվի իմացությամբ անձը:

Սփյուռքի գործերի հանձնակատարներ

Սփյուռքի գործերի հանձնակատարի պաշտոնում առաջին նշանակումը տեղի է ունեցել 2023 թվականի օգոստոսի 23-ին:

• Սփյուռքի գործերի հանձնակատար Լեհաստանում
• Սփյուռքի գործերի հանձնակատար Նիդերլանդներում
• Սփյուռքի գործերի հանձնակատար Գերմանիայում
• Սփյուռքի գործերի հանձնակատար Նիդերլանդներում
• Սփյուռքի գործերի հանձնակատար Դանիայում
• Սփյուռքի գործերի հանձնակատար Սլովակիայում
• Սփյուռքի գործերի հանձնակատար Իտալիայում
• Սփյուռքի գործերի հանձնակատար Ֆինլանդիայում
• Սփյուռքի գործերի հանձնակատար Ֆրանսիայում 
• Սփյուռքի գործերի հանձնակատար Իսպանիայում 
• Սփյուռքի գործերի հանձնակատար Շվեդիայում 
• Սփյուռքի գործերի հանձնակատար Ֆրանսիայում 
• Սփյուռքի գործերի հանձնակատար Ավստրայում
• Սփյուռքի գործերի հանձնակատար Բուլղարիայում
• Սփյուռքի գործերի հանձնակատար Հունաստանում
• Սփյուռքի գործերի հանձնակատար Շվեյցարիայում
• Սփյուռքի գործերի հանձնակատար ԱՄՆ-ում 
• Սփյուռքի գործերի հանձնակատար Ֆրանսիայում 

Կոնտակտային տվյալներ

Հարցերի պարագայում խնդրում ենք կապ հաստատել (+374) 10 589155 հեռախոսահամարով կամ diaspora@gov.am էլ. հասցեով: